Fauzi Bowo
| Fauzi Bowo | |
| |
Gubernur DKI Jakarta ke-13
| |
|---|---|
| Masa jabatan 7 Oktober 2007 – 7 Oktober 2012 | |
| Wakil Gubernur DKI Jakarta | Prijanto |
| Pendahulu | Sutiyoso |
| Pengganti | Fadjar Panjaitan (Pelaksana Tugas) Joko Widodo |
| Lahir | 10 April 1948 Jakarta, Indonesia
|
| Profesi | Pulitikus |
| Agama | Islam |
Dr.-Ing. H. Fauzi Bowo (lair ing Jakarta, 10 April 1948; umur 76 taun) punika Gubernur Jakarta Periode 2007-2012 sasampunipun dados Wakil Gubernur Jakarta. Nalika pilkada DKI Jakarta 2007, Fauzi Bowo sesarengan Prijanto minangka wakilipun ngungguli pasangan Adang Daradjatun lan Dani Anwar.
Riwayat gesang
[besut | besut sumber]Putra pasangan Djohari Bowo lan Nuraini binti Abdul Manaf punika namataken pendhidhikan tingkat sekolah dhasar ing SD St. Bellarminus. Salajengipun panjenenganipun nglajengaken jenjang pendhidhikan tingkat menengah lan atas ing Kolese Kanisius Jakarta. Sasampunipun namataken pendhidhikan SMA, panjenenganipun mundhut studi Arsitektur babagan Perencanaan Kutha lan Wewengkon saking Technische Universitat Braunschweig Jerman lan tamat taun 1976 minangka Diplome-Ingenieur. Program Dhoktor-Ingenieur saking Universitas Kaiserlautern babagan perencanaan dipunrampungaken taun 2000.
Fauzi Bowo miwiti kariripun kanthi mucal ing Fakultas Teknik UI. Panjenenganipun nyambut damel minangka punggawa nagari wiwit taun 1977. Sapérangan posisi ingkang naté dipunjabat antawisipun inggih punika minangka Kepala Biro Protokol lan Hubungan Internasional lan Kepala Dinas Pariwisata DKI Jakarta.
Minangka birokrat, Fauzi sampun nempuh Sepadya (1987), Sespanas (1989), lan Lemhannas KSA VIII (2000). Panjenenganipun punika wakil gubernur Jakarta ing wekdal kapamimpinan Gubernur Sutiyoso.
Fauzi Bowo palakrami kaliyan Hj. Sri Hartati tanggal 10 April 1974. Hj. Sri Hartati punika putrinipun Sudjono Humardani, wiyosan Semarang, 29 Agustus 1953. Pasangan Fauzi Bowo lan Sri Hartati gadhah 3 yoga: Humar Ambiya (miyos: 20 Juli 1976, Esti Amanda (miyos: 5 April 1979) lan Dyah Namira (miyos: 1 Fèbruari 1983).
Pilkada 2007
[besut | besut sumber]Prosès pancalonan gubernur
[besut | besut sumber]Fauzi Bowo ngungguli Agum Gumelar lan Mahfud Djailani salebetipun penjaringan calon gubernur déning PPP DKI Jakarta kanthi 14 swara. Agum pikantuk gangsal swara, éwadéné Djailani pikantuk kalih swara. Kalih swara sanès nélakaken abstain.
Nanging, salebetipun skoring dhumateng enem kandidat calon gubernur ingkang ngajengaken dhiri ing Partai Demokrasi Indonesia Perjuangan, panjenenganipun manggèn ing urutan paling pungkasan. Salebetipun skoring punika, panjenenganipun pikantuk 80 swara. Éwadéné, urutan paling inggil dipunpanggèni déning Sarwono Kusumaatmadja.
Fauzi Bowo lan Gubernur Sutiyoso dipunanggep minangka tiyang ingkang paling ngayahi tanggel waler dhumteng dumadosipun Banjir ageng ing Jakarta ing mèh sadaya wewengkon kutha krajan DKI Jakarta, lan mangaruhi popularitas nama Fauzi Bowo.
Tanggal 22 Januari 2007, Lembaga Survei Indonésia (LSI) ngedalaken asil jajak penemu dhumateng 700 rèspondhèn ing minggu kaping tiga Dhésèmber 2006 kanthi cara adu arep. Asil jajak penemu LSI kanggé calon Gubernur DKI inggih punika Fauzi Bowo, Rano Karno, Agum Gumelar, Sarwono Kusumaatmadja, Adang Daradjatun, lan Bibit Waluyo.
Panjenenganipun tumut Konvensi Parté Golkar 2007. Panjenenganipun punika satunggal-satunggalipun peserta konvensi ingkang mangsulaken formulir pendaftaran lan satunggal-satunnggalipun peserta ingkang dipunusung kanggé kalungguhan gubernur. Panjenenganipun ugi dados salah satunggal calon gubernur ingkng dipuncalonaken Parté Bintang Reformasi. Sasanèsipun nampi panyengkuyung kanthi mirunggan saking Din Syamsudin lan Parté Damai Sejahtera.
Tanggal 16 Agustus 2007, pasangan Fauzi Bowo-Prijanto unggul salebetipun pilkada sepindhah langsung ing Jakarta punika kanthi 57,87% swara pamilih[1]. Fauzi Bowo nggantosaken Sutiyoso minangka Gubernur Jakarta periode 2007-2012 tanggal 7 Oktober 2007[2].
Dana kampanye
[besut | besut sumber]Miturut Majalah TRUST Fauzi Bowo kedah ngedalaken atusan milyar kanggé pados panyengkuyung parté pulitik lan pangajinipun langkung saking Rp 200 milyar kanggé saben parté ageng. Gumantung gunggunging kursi parté kasebat ing DPRD Jakarta, nanging pranyatan punika boten dipuntanggapi déning pihak Fauzi Bowo [3].
Réferènsi
[besut | besut sumber]- ↑ "Hasil Final Pilkada DKI: Si Kumis 57,87%, Si Klimis 42,13%", DetikCom, diakses Agustus 2007
- ↑ "Bang Yos Minta '1 hari tanpa kendaraan per bulan", DetikCom, dipunaksès September 2007
- ↑ Majalah TRUST: Rupiah bertaburan di Jakarta
Pranala njawi
[besut | besut sumber]- Profil ing www.bangfauzi.com
- Profil ing TokohIndonésia.com Archived 2010-07-02 at the Wayback Machine.
- Kliping Pilkada DKI Jakarta 2007 Archived 2013-02-03 at the Wayback Machine.
- Fauzi Bowo lan Sri Hartati
- Profil ing Kongres Citynet Yokohama Jepang 2009 Archived 2010-01-30 at the Wayback Machine.
| Didhisiki déning: Sutiyoso |
{{{jabatan}}} 2007 – 2012 |
Diganti déning: taksih njabat |
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |